«Որոշեցինք ավելի արժեքավոր է տոնել բանկի 15 ամյակը և ներդրում կատրել կրթության ոլորտում: Վերջին տասնամյակում տնտեսագիտության ֆակուլտետը մեծ ներդրում է ունեցել բանկային ոլորտում: Ամեն տարի 5 ուսանող արժանանալու է կրթաթոշակի անկախ նրանից սովորում է անվճար թե վճարովի համակարգում»- նշեց Բիբլոս Բանկ Արմենիա գլխավոր գործադիր տնօրեն Հայկ Ստեփանյանը:
Բիբլոս Բանկ Արմենիայի գլխավոր գործադիր տնօրեն Հայկ Ստեփանյանի խոսքով, Բանկը մեծ պատասխանատվությամբ է մոտենում Հայաստանում կրթության զարգացմանը և իր 15-ամյակին նվիրված նախագծերի շրջանակում չէր կարող չանդրադառնալ այս ոլորտին ևս։
«Այսօր կրթատարածք մուտքը փոխադարձ պարտավորություններ է նաև ենթադրում, որն ամրագրվում է այս հուշագրով: Կրթաթոշակներ՝ ընդհուպ մինչև ուսման վարձի փոխհատուցումով: Այս ծրագրում ներառված են ոչ միայն տնտեսագիտական նաև այլ ֆակուլտետներ, ովքեր կարող են լինել շահառուներ»-նշեց ԵՊՀ Տնտեսագիտության և կառավարման ֆակուլտետի դեկան Հայկ Սարգսյանը:
ԵՊՀ ռեկտոր Հովհաննես Հովհաննիսյանը կարևորելով երկկողմ համագործակցությունն ու դրա ընձեռած հնարավորությունները փաստեց, որ բուհ-աշխատաշուկա արդյունավետ կապը կրթության զարգացման երաշխավորներից է:
«Այս համագործակցությունը մեր պատկերացրած հաղորդակցության լավագույն դրսևորումներից է, երբ գործարար աշխարհի ներկայացուցիչները ներգրավվում են կրթական գործընթացում և նպաստում որակյալ, արհեստավարժ ու աշխատաշուկայի ներկայիս պահանջներին համապատասխան կադրերի պատրաստմանը։
Հատկանշական է, որ մեր գործընկերների կողմից տրամադրվելու են կրթաթոշակներ, որոնք ոչ միայն սոցիալական աջակցություն են լինելու մեր ուսանողների համար, այլև խրախուսելու են նրանց էլ ավելի լավ սովորել և հաջողությունների հասնել»-նշեց ԵՊՀ ռեկտոր Հովհաննես Հովհաննիսյանը։
Հուշագրման կնքումից հետո ուսանողները տեղում ստացան իրենց հուզող հարցերի պատասխանները: Բիբլոս Բանկ Արմենիա ՓԲԸ-ն այս տարի նշում է իր հիմնադրման 15-ամյակը, ինչի կապակցությամբ ամբողջ տարվա ընթացքում հանդես կգա մի շարք առաջարկներով և նախաձեռնություններով։
Առավել մանրամասն` տեսանյութում: