Քանի արցախցին ապրում է Արցախում, նշանակում է Արցախը կորսված չէ: «Առաջին լրատվական»-ի հետ զրույցում նշեց «Ազատ քաղաքացի» հկ ղեկավար Հովսեփ Խուրշուդյանը:
Խուրշուդյանը կարծում է, որ եթե նույնիսկ մի փոքր էլ նշաձողը իջեցվի, խաղաղության պայմանագիր չի լինելու. «Ալիևը ստիպում է Արցախին հրաժարվել իր ինքնիշխանությունից: Այս բլոկադան խեղդամահ է անում Արցախի տնտեսությունը. Ալիևը գործում է ընդդեմ Արցախի ինքնորոշման»:
Խուրշուդյանը կարծում է նաև, որ մեզ ներքին կոնսոլիդացիա է պետք, Փաշինյանը չպետք է գործի նախկինների պես. «Այն, որ Փաշինյանը ծանր ժառանգություն է ստացել` փաստ է, բայց ինչ է լինելու հիմա: Ավելի տխմար քաղաքականություն Արցախի հարցում, որ նախկիններն են վարել, դժվար է պատկերացնել: ՀՀ իշխանությունների պատկերացումները այնպիսին են, որ Ադրբեջանին բերեն դեստրուկտիվ դաշտ: ՀՀ իշխանությունները Բաքվին փորձում են մղել Ռուսաստանի դաշտ: ՌԴ-ն խորտակվելու ճանապարհին է, ով կցվելու է, լինելու է տուժող կողմ: ՌԴ-ից վտանգները մեծ են, բայց հապաղելը ավելի վտանգավոր է, երբ հայտնվենք ՌԴ կործանվող նավում: Ռուսական միջնորդությանը համաձայնվելը կնշանակի Հայաստանի վերջը»:
