NASA-ն մշակում է ժամանակակից բեռնատար դիրիժաբլի կառուցման նախագիծ: Հեղինակները կարծում են, որ աշխարհը կանգնած է իսկական տրանսպորտային հեղափոխության շեմին: Ըստ ամերիկացիների` դա հնարավոր կլինի, երբ շահագործման հանձնվի դիրիժաբլի նոր տեսակ, որը կարող է երկար տարածությունների վրա տեղափոխել 100-ավոր տոննաներով ապրանքներ:
Նախագծի տնօրեն Դոկտոր Սայմոն Վորդենն ասել է, որ այժմ բեռների մեծ մասը տեղափոխվում է կա՛մ բեռնատարներով, կա՛մ երկաթգծով, ինչն մեծ գումարներ և երկար ժամանակ է խլում: Իսկ ահա դիրիժաբլը, բացի էժան լինելուց, կարողանում է տեղափոխել մեծ քանակությամբ բեռներ, ինչպես նաև վայրէջք կատարել ցանկացած վայրում: Փորձնական թռիչքները նախատեսված են եկող տարի:
Նոր դիրիժաբլները կարող են օգտագործվել զինվորականների կողմից` դժվար անցանելի շրջաններ զենք, զինամթերք և այլ անհրաժեշտ իրեր տեղափոխելու համար: Առաջին թռիչքը կկատարվի դեպի Ալյասկա, որտեղ բացակայում է ճանապարհների ժամանակակից ցանցը, և կան բազմաթիվ շրջաններ, ուր դժվար է բեռներ տեղափոխել: