Նախկինում Մարս մոլորակի վրա գոյություն ունեցող օվկիանոսները շատ սառն են եղել, իսկ դրանց ափերը ծածկված էին սառցե խոշոր բեկորներով: Նման եզրակացության է եկել գիտնականների մի խումբ` գրում է Nature Geoscience ամսագիրը:
Ինչպես պնդում են գիտնականները, նախկինում Մարսի վրա եղել են գետեր և օվկիանոսներ, ինչպես հարավային, այնպես էլ հյուսիսային կիսագնդերում: Այժմ, սակայն, Մարսի հյուսիսային կիսագնդում դրանք գոյություն չունեն, ինչը, ըստ գիտնականների, կլիմայական փոփոխությունների պատճառ է: Մոլորակի այս հատվածում շատ ցուրց է, ինչը հազարամյակների ընթացքում սառեցրել է այդ տարածքի բոլոր ջրերը:
Այս տարի նոյեմբեր-դեկտեմբեր ամիսներին Մարսի մակերևույթ է ուղարկվելու NASA-ի հատուկ մարսագնացը, որի գլխավոր նպատակը Կարմիր մոլորակի մակերևույթի վրա առկա Գեյլա հրաբուխի ուսումնասիրությունն է լինելու, որի տրամագիծը 150 կիլոմետր է:
