Բանակը այն կառույցն է, որտեղ կարող են կոշտ ձևով հետևել ինչպես կատարվեն հրամանները: «Առաջին լրատվական»-ի հետ զրույցում նշեց Տիկնիկային թատրոնի գեղարվետսական ղեկավար Ռուբեն Բաբայանը:
Մեր բանախոսը նշեց, որ բանակը հասարակության հայելին է․ «Բանակը ունի հնարավորություն պատժելու նույնիսկ ամենափոքր թերացման համար: Եթե բանակը օրինակ ծառայի, հասարակությունը կփոխվի: «Դեդավշինան», թափթփվածությունը գալիս է բանակից: Սա առաջին դեպքը չէ, ունեցել ենք «Սուրմալու» հիմա էլ Մալաթիայի թեմայով գեղջկական մոտեցումը: Բանակում, թե այլ վայրում ամենախստագույն մեթոդները պետք է կիրառվեն: Օրենքը դաժան է, բայց մարդը պարտավոր է կատարել օրենքը և ենթարկվել համակարգին»: Բաբայանը կարծում է, որ այն իշխանությունն է արդյունավետ, որը մշտական վերահսկողության տակ է ընդդիմության ու քաղհասարակության կողմից․ «Քաղհասարակությունը նրա համար չէ, որ ստեղծվի լավ իշխանություն, նրա համար է, որ վերահսկի իշխանությանը: Իշխանությունները փորձում են քննադատություններին տալ քաղաքական ենթատեքստ: Քաղհասարակությունը պետք է բացառի քաղաքական ենթատեքստը, ունենա որոշակի մեխանիզմներ»: