Թբիլիսիում բնակարանների գները բարձրացել են պահանջարկի պատճառով, սակայն գինը պետք է համապատասխանի որակին։ Jnews-ի փոխանցմամբ՝ այս մասին հայտնել են Անշարժ գույքի ազգային ասոցիացիայից:
Թբիլիսիում բնակելի անշարժ գույքի գների ինդեքսը հունվարի սկզբի դրությամբ աճել է 14,3%-ով, հաղորդում է «Սաքստատ» Ազգային վիճակագրական ծառայությունը։
Բնակարանների հատվածում 2022 թվականի 4-րդ եռամսյակում 3-րդ եռամսյակի համեմատ գներն աճել են 3,8%-ով, իսկ առանձնատների հատվածում՝ 8,9%-ով:
Անշարժ գույքի ասոցիացիայից ասում են, որ գները ոչ ադեկվատ ձևով ուռճացված են, ինչպես վարձակալության, այնպես էլ բնակարանների առքուվաճառքի համար՝ Վրաստան ռուսական միգրացիայի երկու ալիքից հետո պահանջարկի աճի պատճառով:
«Բնակարանների գները բարձրացել են ռեկորդային մակարդակի: Սա պայմանավորված է պահանջարկով, բայց դա սխալ էր, քանի որ գինը պետք է համապատասխանի որակին…»,- BM.ge-ին հայտնել է Վաժա Մեբաղիշվիլին:
Մեբաղիշվիլիի գնահատմամբ՝ անշարժ գույքի շուկայում գների աճը ժամանակավոր է, որից հետո ամեն ինչ կվերադառնա իր բնականոն հունին, սակայն բնակարանատերերի համար շատ դժվար կլինի համակերպվել եկամտի նվազման հետ։
Միևնույն ժամանակ, այժմ անհնար է կանխատեսել, թե երբ գները կկայունանան անշարժ գույքի շուկայում, էլ ավելի մեծ աճը չի բացառվում միգրանտների նոր ալիքների դեպքում ևս։
