ԱՄՆ-ը և Եվրոպան, ինչպես նախորդ տարիներին, հիմա էլ Ռուսաստանըհամարում են թշնամի և ձգտում են ազդեցություն ունենալ նրա մոտ հարևանների վրա: Այս մասին հայտնի է դարձել ԱՄՆ պետդեպարտամենտի նամակագրությունից, որը հրապարակվել է Wikileaks-ի կայքում: Նամակից հայտնի է դառնում, որ ԵՄ կողմից անցկացվող «Արևելյան գործընկերություն» ծրագիրը միտված է թուլացնելու Ռուսաստանի դիրքերը նախկին ԽՍՀՄ երկրներում: Բացի այդ, Արևմուտքը կարծում է, որ գործիք կարող են հանդիսանալ նաև «Հյուսիսային հոսք» և նմանատիպ էներգետիկ այլ ծրագրերը,- գրում է «Коммерсант»-ը:
Ինչպես հայտնի է, Ռուսաստանը 2009թ. սկսված «Արևելյան գործընկերության» ծրագրին զգուշորեն չի մոտեցել: Նախագծում ընդգրկվել են նախկին խորհրդային 6 պետություններ` Ադրբեջանը, Հայաստանը, Բելառուսը, Վրաստանը, Մոլդովան և Ուկրաինան: Ինչպես հայտնի է դարձել տպագրված նյութերից, Մոսկվայում իրավացի են եղել, քանի որ այս ծրագիրն ուղղված է թուլացնելու ՌԴ ազդեցությունը ծրագրի մասնակից երկրների վրա:
Նամակում ամերիկացի դիվանագետները պատմում են իրենց եվրոպացի գործընկերների հետ հանդիպման մասին, «Արևելյան գործընկերությունը» համարում հիանալի ծրագիր և միաժամանակ ուժեղ հակահարված Վրաստանում ռուսական ագրեսիային: Ինչպես հայտնի է դառնում պետդեպարտամենտի գրագրությունից, «Արևելյան գործընկերության» հիմնական նպատակը ԽՍՀՄ նախկին պետությունների ներգրավումն է Արևմտյան շահերի ոլորտ և Ռուսաստանի հետ համագործակցությունից հրաժարումը:
ՌԴ կասկածները, որ ծրագիրը կապված է իրենց անվտանգության խարխլման հետ, նույնպես հիմնավոր են: Ինչպես նամակում գրել է Ստոկհոլմում ԱՄՆ ժամանակավոր հանձնակատար Ռոբերտ Սիլվերմանը, նախաձեռնությունը կարող է «երկարաժամկետ ազդեցություն» ունենալ իրադրության վրա, որը կապված է անվտանգության հետ: Իր նամակում Սիլվերմանը նշում է ՆԱՏՕ-ի հետ կոլեկտիվ անվտանգության համաձայնագրի մասին և գրում, որ հղում անելով Շվեդիայի ԱԳՆ Արևելյան Եվրոպայի բաժնի պետի տեղակալ Յոհան Ֆրիզելի խոսքերին՝ պետք է ասել, որ ՆԱՏՕ-ին այդ երկրների ինտեգրումը քիչ կարևոր չէ, քան ԵՄ-ին լուրջ ինտեգրումը:
Ինչպես պարզ է դարձել, «Արևելյան գործընկերության» մեջ լուրջ դեր է խաղում Իտալիա վարչապետ Սիլվիո Բեռլուսկոնին, որը հայտնի է ռուսական տանդեմի, մասնավորապես` ՌԴ վարչապետ Վլադիմիր Պուտինի հետիր սերտ հարաբերություններով:
