Ամբող աշխարհում ամանորի ավանդական զեղչերի տոնավաճառը մեկնարկում է Սև ուրբաթից, որը հաջորդում է Երախտագիտության օրվան։ Սև ուրբաթ կազմակերպելու ավանդույթը գալիս է դեռ 19-րդ դարից։ Հատկանշական է, որ ԱՄՆ-ում մանրածախ առևտրի շուրջ 20%-ը կատարվում է «Սև ուրբաթ»-ի և Ամանորի միջև ընկած ժամանակահատվածում, իսկ այդ օրվան ամերիկացիները սկսում են պատրաստվել դեռ հոկտեմբերի կեսերից։
Աշխարհում ավելի քան 135 միլիոն մարդ այդ օրը գնումներ է կատարում, բացառություն չեն նաև Հայաստանի բնակիչները։ Սև ուրբաթը շարունակում է ամրապնդել իր դիրքերը նաև մեր երկրում, հատկանշական է, որ այդ օրերին մեծանում են նաև առցանց առևտրի ծավալները։
Գլոբբինգ ընկերության ներկայացուցիչը «Առաջին լրատվական»-ի հետ զրույցում ասաց, որ այս տարի առցանց պատվերների թիվը ռեկորդային է եղել։ Մոտավոր հաշվարկներով Գլոբբինգի միջոցով կատարվել է 4,5 մլրդ դրամի գնում, ինչը կեսն է ամբողջ Հայաստանում
Գլոբբինգի՝ ԱՄՆ-ի պահեստում ամեն օր ստանում են 40 մեծ բեռնատար ապրանք և այս թվերն օր օրի աճում են, ինչպես նաև զանգերի կենտրոնը ստանում է օրական 12,000 զանգ։ Պատվերների մեջ հետաքրքիր վիճակագրություն կա։
Ամենաշատ գնված ապրանքներն են՝
- ամանորյա նվերներ
- հագուստ
- էլեկտրոնիկա
Հատկանշական է նաև, որ այս տարի մեր հայրենակիցների պատվերներում գերակշռել են նաև ամենօրյա օգտագործման ապրանքներ և իրեր։
Այն դիտարկմանը, որ որքան շատ են գնումների ու պատվերների ծավալը արտերկրից, ապա պետք է ավելի աշխատանք և էներգիա ներդնել նման ծավալները կառավարելու համար, Գլոբբինգ ընկերության ներկայացուցիչը շեշտեց, որ թե՛ սպասարկման ոլորտի, թե՛ պահեստի աշխատակիցներն այդ օրերին աշխատում են արտահերթ ռեժիմով, իսկ ծանրոցների գրանցումն ու մշակումը պահեստներում իրականացվում է 48 ժամվա ընթացքում։
Հասկանալու համար, թե ինչ լարված և ծանրաբեռնված ռեժիմով է աշխատանքը իրականացվում, բավարար է իմանալ հետևյալ ցուցանիշը․ միայն Սև ուրբաթի օրերին, Գլոբբինգի միջոցով կատարվել է 280,000 -ից ավել գնում, որից միայն 100,000-ը՝ Հայաստանից։