Այս տարվա հոկտեմբերի 28-31-ը Երևանում կանցկացվի Համաշխարհային հայկական գագաթնաժողով, որի օրակարգում կընդգրկվեն այնպիսի թեմաներ, ինչպիսիք են ազգային անվտանգությունը, հայկական շահերի պաշտպանությունը, հայրենիքի ռազմավարական ոլորտների զարգացումը, հայրենադարձությունը, ներդրումային ներգրավվածությունը, հայապահպանությունը, Սփյուռքի ինքնակազմակերպումը և այլն: Գագաթնաժողովը կունենա շուրջ 600 մասնակից ավելի քան 40 երկրից, ինչպես նաև Հայաստանից և Արցախից, որոնք կներկայացնեն համայնքային կառույցներ, կազմակերպություններ, գիտական, մասնագիտական, գործարար, ուսանողական, երիտասարդական շրջանակներ և այլն: Թեմայի շուրջ «Առաջին լրատվական»-ը զրուցել է ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանի հետ:
Սինանյանը նշեց, որ գագաթաժողովի օրակարգում բոլոր այն խնդիրներն են, որոնց հետ առերեսվել ենք ու կառերեսվենք. «Մոտեցումները փոխել ենք, գագաթաժողովին ամպագոռգոռ ճառեր չեն լինի»:
Սինանյանը նաև տեղեկացրեց, որ զրուցել է երկու կաթողիկոսների հետ էլ, ասել են պատճառները: Նա նաև հիշեցրեց, որ չենք կարող անտեսել Արամ Ա-ի ՀՅԴ-ի ազդեցության տակ գտնվելը:
Սինանյանի խոսքով` ՀՅԴ-ն հետամնաց գործելաոճով շրջաբերականներ ուղարկեց ու կազմն էլ ռոբոտի պես ենթարկվեց: