Ֆրանսահայ հասարակական գործիչ Հիլդա Չոբոյանը «Առաջին լրատվական»-ի հետ զրույցում անդրադարձել է Նիկոլ Փաշինյանի՝ Ֆրանսիա այցին: Նրա խոսքով՝ Փաշինյանի այցը ուղիղ շարունակությունն է ԱՄՆ հանդիպումների:
«Շատ հստակ է Մակրոնի կողմից Միացյալ Նահանգների դիրքորոշմանը հարելու միտումը, որովհետև եթե մանրամասն նայենք բոլոր դիրքորոշումներին, բոլոր կեցվածքներին, գրեթե 100 տոկոսով համապատասխանում են ԱՄՆ դիրքորոշումներին: Հետևաբար, ես կարծում եմ, որ այսօր նոր հանգրվան է ստեղծվելու Ֆրանսիայի, ԱՄՆ-ի և, ինչու չէ, Անգլիայի կողմից: Ֆրանսիան՝ որպես ԵՄ ներկայացուցիչ, նոր հանգրվանի սկիզբ կարող ենք դիտարկել, բայց թե ինչ պետք է լինի այս նոր հանգրմանը, մեծ հարցական է»,-ասում է Հիլդա Չոբոյանը:
Նրա կարծիքով՝ այս նոր հագրվանը դիվանագիտական նոր փուլի սկիզբ է, Ֆրանսիան, ԱՄՆ-ն և ուրիշ արևմտյան ուժեր պետք է փորձեն հայ և ադրբեջանական հակամարտությունը հանել Ռուսաստանի տիրույթից, և պետք է փորձեն որոշ չափով այս հարաբերությունների կարգավորման «քավորները» կամ հովանավորները դառնալ: