Ռուսական գազային օղակը սեղմվու՞մ է, թե միայն տպավորությունն է այդպիսին։ Հավանակա՞ն է արդյոք, որ Մոսկվան ընկնի վասալային կախվածության մեջ Չինաստանից, թե բանը կավարտվի Պեկինի կողմից նեղն ընկած Ռուսաստանի ռեսուսրները կոպեկներով առնելով։ Ժամանակը ցույց կտա, վերջապես, անգամ համաշխարհային ամենահեղինակավոր վերլուծաբանների համար է բարդ կանխատեսել, թե ինչ տեսակ զարգացումներ են սպասվում։ Բոլորը ստիպված են լարված հետևել ամենօրյա ռեժիմով հրապարակվող աշխարհաքաղաքական թարմացումներին՝ տալով բացառապես այսրոպեական մեկնաբանություններ։
Եվ նման մի իրադարձություն դարձավ ռուս-ղազախական առճակատումը Սանկտ-Պետերբուրգում, որտեղ Ղազախստանի նախագահ Քասիմ Ժոմար Տոկաևը Պուտինի կողքին նստած նախ հանդգնություն ունեցավ հայտարարել, որ իր երկիրը չի պատրաստվում ճանաչել Դոնեցկի և Լուգանսկի, ինչպես ինքը գնահատեց՝ քվազի պետությունները, ինչին ի պատասխան Պուտինն ասաց, որ ԽՍՀՄ-ի ողջ տարածքը ռուսական պատմական հողեր են։ Սրանով, կարծես, Պուտինը ոչ միայն Տոկաևին, այլև ողջ հետխորհրդային տարածքի պետություններին ուղերձ հղեց, որ Մոսկվան ամուր է պահում իր թելերն ու որևէ մեկը չի պլստալու ռուսական կայսերական նպատակների տիրույթից, եթե դրա ժամանակը գա։ Թեմայի շուրջ «Առաջին լրատվական»-ը զրուցել է ռուս ռազմական փորձագետ Պավել Ֆելգենգաուերի հետ:
