Եթե ԱՄՆ-ն անտեսեր ռուսական ներխուժումն Ուկրաինա, չօգներ Կիևին և պատժամիջոցներ չկիրառեր Ռուսաստանի դեմ, պատերազմի հետևանքները ավելի ծանր կլինեին։
«Եթե ԱՄՆ-ն հեռու մնար Ուկրաինայի պատերազմից և չաջակցեր Կիևին, Եվրոպայում քաոս կսկսվեր, իսկ Վլադիմիր Պուտինը կշարունակեր ներխուժել այլ երկրներ»,- ասել է ԱՄՆ նախագահ Ջո Բայդենը։ Բայդենը հիշեցրել է, որ երբ որոշել է օգնել Ուկրաինային և պատժամիջոցներ կիրառել Ռուսաստանի դեմ, նա զգուշացրել է, որ պետք է վճարել դրա համար։ «Դա անվճար չէ, բայց անգործության հետևանքները ավելի վատ կլինեին»,- ասել է նախագահը՝ պատասխանելով ԱՄՆ-ում գների բարձրացման մասին հարցին։
«Դուք ինձ հարցնում եք՝ ինչ կասեի Ամերիկայի ժողովրդին, ես կասեի, որ ողջ կյանքում եղել եմ արտաքին քաղաքականության մեջ, համոզված եմ, որ եթե թույլ տանք Պուտինին՝ ավելի հեռուն գնալ, նա կանգ չի առնելու»,- ընդգծել է Բայդենը՝ եզրափակելով. «Ես վախենում եմ, որ հաջորդ բանը, որ կտեսնենք, դա քաոսն է Եվրոպայում: Ռուսական զորքերը առաջ կգնային: Ի՞նչ կլիներ Լեհաստանում, Չեխիայում և ՆԱՏՕ-ի մյուս երկրներում: Ի՞նչ կմտածեր Չինաստանը Թայվանի մասին, ի՞նչ կմտածեր Հյուսիսային Կորեան միջուկային զենքի մասին»։