Հայաստանում ԱՄՆ դեսպանատան կայքում տեղադրված է հետևյալ հայտարարությունը.
«-Ինչ վերաբերում է ԱՄՆ պաշտպանության դեպարտամենտի կայքից ենթադրաբար բեռնված փաստաթղթերի վերաբերյալ վերջին հրապարակումներին, պետքարտուղարությունը նյութերի, այդ թվում՝ գաղտնի փաստաթղթերի հնարավոր արտահոսքի վերաբերյալ մեկնաբանություններ չի տրամադրում:
– Գաղտնի տեղեկատվության ցանկացած չարտոնված հրապարակում Wikileaks-ի կողմից վնասակար հետևանքներ է ունենում ոչ միայն հիշատակվող անձանց կյանքի համար, այլ նաև՝ պետությունների միջև հարաբերությունների: Հաշվի առնելով հնարավոր ազդեցությունը` մենք դատապարտում ենք այս կարգի չարտոնված հրապարակումներն ու ձեռնարկում ենք բոլոր հնարավոր քայլերը հետագայում նման խախտումները կանխելու համար:
– Մենք չենք կարող լրատվամիջոցներին տրամադրված փաստաթղթերի իսկության մասին որևէ բան ասել, սակայն կարող ենք խոսել դիվանագիտական պրակտիկայում հեռագրերի կիրառման մասին: Հեռագրերում ներկայացվում են ներքին ամենօրյա վերլուծություններն ու անկեղծ գնահատականները, որոնց հիման վրա իրականացվում են պետության արտաքին քաղաքականության վերաբերյալ քննարկումները: Այս հեռագրերը հաճախ նախնական են և ԱՄՆ արտաքին քաղաքականության ոչ ամբողջական արտացոլումներ, ու դրանք չպետք է դիտվեն որպես նրանց սեփականություն կամ ԱՄՆ քաղաքականության արտացոլում»:
Հայտարարության վերջին նախադասությունը անգլերենից թարգմանել է «Առաջին լրատվական»-ը. այն հայերեն տարբերակում անավարտ էր:
