Ամերիկյան բորսայական ինդեքսները 3 օր շարունակ իջնելուց հետո աննկատելիորեն աճել են՝ ԱՄՆ ԴՊՀ-ի կողմից տնտեսության խթանմանն ուղղված նոր միջոցառումների կիրառման հույսով, այդ են վկայում աճուրդի արդյունքները:
Աճուրդի փակման ժամանակ Dow Jones-ի ինդեսքը բարձրացել է 0.34%-ով` հասնելով 10854.50 նիշին:
S&Ps 500-ը երկուշաբթի աճել է 0.03%-ով` հասնելով 1123.82 նիշին:
NASDAQ-ի ինդեքսն աճուրդների արդյունքներով բարձրացել է 0.15%-ով՝ մինչև
2345.38 նիշը:
Ընթացիկ շաբաթվա մեջ բորսայի մասնակիցների հիմնական ուշադրությունը ուղղված է ԱՄՆ ԴՊՀ-ի ղեկավար Բեն Բերնանկեի ելույթին, որը նախատեսվում է ուրբաթ օրը: Ներդրողները հույս ունեն, որ իր ելույթի մեջ, որը տեղի կունենա ԱՄՆ ՀՆԱ-ի երկրորդ եռամսյակի ճշգրտված տվյալների հրապարակումից հետո, Բերնանկեն կպատմի ամերիկյան տնտեսության աջակցման համար նոր միջոցների մասին:
«Ներդրողներն ամբողջ ուժով բարձրաձայնում են տնտեսության խթանման երրորդ փուլի անհրաժեշտության մասին»,- հայտարարել է Springer Financial Advisors-ի տնօրեն Կիտ Սպրինգերը. «Եթե շուկաներն այն ստանան, ապա մենք կարող ենք տեսնել լավ մրցավազք, իսկ եթե ոչ, ապա կարելի սպասել ուժեղ անկման»:
