Bloomberg լրատվական գործակալությունը դադարեցնում է աշխատանքը Ռուսաստանի Դաշնությունում՝ ուրբաթ օրը նախագահի ստորագրած՝ Ռուսաստանի և Ուկրաինայի միջև պատերազմի մասին «ֆեյքերի» հրապարակման վերաբերյալ օրենքի պատճառով։
«Քրեական օրենսգրքի փոփոխությունները, որոնք, թվում է, կոչված են ցանկացած անկախ թղթակցի հանցագործ դարձնելու համար, անհնար է դարձնում նորմալ լրագրության նման որևէ բան շարունակել այս երկրում», – ասվում է գլխավոր խմբագիր Ջոն Միքելթուեյթի հայտարարության մեջ:
Ամերիկյան CNN հեռուստաընկերությունը, հետևելով այլ արտասահմանյան լրատվամիջոցներին, հայտարարեց, որ դադարեցնում է աշխատանքը Ռուսաստանում։ Սա արձագանք է Ռուսաստանի իշխանությունների կողմից ուկրաինական պատերազմի անկախ լուսաբանման վիրտուալ արգելքին։
Ռուսաստանում իր աշխատանքի դադարեցման մասին հայտարարել է նաեւ BBC-ն։