Tuesday, 28 06 2022
10:30
Մեծ Բրիտանիան 12 մլն դոլար կհատկացնի ուկրաինական երկաթուղու վերանորոգման համար
Աննա Հակոբյանն այցելել է Կանն քաղաքում գտնվող Հայոց ցեղասպանության հուշարձան
10:10
Նավթի գներն աճել են. 27-06-22
Ադրբեջանը հիմա ինքն է ձախողում կամ փակուղի տանում «խաղաղության պայմանագիրը»
«Արմավիր» ՔԿՀ-ում ահազանգեր ստացա, որոնց վերաբերյալ գրություններ եմ ուղարկել իրավասու մարմիններին
Ուղիղ. Ամուլսար. Մարդու իրավունքների խոստումներ ոսկու որոնման գործընթացում. նոր զեկույցի քննարկում
«Տղերքն ասացին՝ 7 ժամ է տեւել Ջհանգիրյանի օպերացիան»․ «Հրապարակ»
Դրամի արժևորումը հանգեցնելու է մեր տնտեսության անկմանը
«Արաքս թռչնաֆաբրիկա»-ն տուգանվել է 4 մլն դրամի չափով․ «Ժողովուրդ»
Ինչու է Ջհանգիրյան-Վարդազարյան աղմկահարույց ձայնագրությունն ուղարկվել ՔԿ և ոչ թե Հակակոռուպցիոն կոմիտե
Փրկարարներն արգելափակումից դուրս են բերել ավտոմեքենաները
08:30
Live. «Առաջին լրատվական» տեղեկատվական-վերլուծական կենտրոն
Տեղեր գյուղի վանքին հարակից ժայռից երկու քաղաքացի ընկել է ձորակը
Հայաստանի դեմ «դավադիր պատերազմի» աղմուկը
ՀՀ պետականությունը աճուրդի է դրված եղել, Ղարաբաղն էլ հետը. Նիկոլ Փաշինյան
Վարչապետն անդրադարձավ ԳՇ պետի նշանակման վերաբերյալ հարցին
Տպավորություն է` գործ ենք ունենալու նոր պատերազմի հետ
Մտահոգիչ է Ջհանգիրյանի մասնակցությամբ ձայնագրությունը. Փաշինյան
Փաշինյանը հայտնեց, թե երբ և ովքեր են ԼՂ կարգավիճակի հարցում նշաձողն իջեցնելու կոչ արել
Աշոտը բանվոր է աշխատում` առանց գրանցման, պետք է քրգործ բացենք. Փաշինյանը կատակեց
Այսօր կալանքի տակ ունենք մարդ, որը եղել է գործող նախարար, նախարարի տեղակալ… վարչապետ
ՀՀ տարածքում ավտոճանապարհներն անցանելի են
Այսօր 22 հազար մարդ եկամտահարկով բնակարան են գնում. Նիկոլ Փաշինյան
Վարչապետի հավաստիացմամբ՝ ՀՀ-ում գործող բիոլաբորատորիաները ՌԴ-ի համար սպառնալիք չեն ստեղծում
Ընդդիմությունը անկեղծ չէ, Արցախի հարցը օգտագործել են որպես ներքաղաքական գործոն. Փաշինյան
ՀՀ քաղաքացուն հնարավոր չէ խաբել, ֆալշը զգում է. Նիկոլ Փաշինյան
Մոսկվան հերքում է դեֆոլտի մասին պնդումները
Վարչապետը չհերքեց, որ նոր ճանապարհի կառուցումից հետո Բերձորն ու Աղավնոն անցնելու են Ադրբեջանին
Ավտոմեքենան բախվել է հեղուկ գազի լիցքավորման կետին
ՔՊ-ում քննարկելու են ընդդիմադիրներին մանդատներից զրկելու հարցը. Փաշինյան

Հանուն Հանրապետության Կուսակցության հայտարարությունը

Հանուն Հանրապետության Կուսակցություն

Հայտարարություն

Այսօր լրանում է մեկ տարին Արցախյան 44-օրյա պատերազմի ողբերգական ավարտի, որի արդյունքում Ռուսաստանի նախագահի միջնորդությամբ ընդունված եռակողմ հայտարարարությունը ցայսօր չի լուծել այդ և դրան հաջորդած հունվարի 11-ի եռակողմ հայտարարության կարևորագույն դրույթներ։

Տասնյակ գերեվարված մեր հայրենակիցներ շարունակում են գտնվել ադրբեջանական բանտերում, տարածաշրջանի ճանապարհներն ու կոմունիկացիաները մնում են շրջափակված, Թուրքիան և Ադրբեջանը նորանոր պահանջներ են առաջ քաշում, հակառակորդի գործողություններն Արցախում և ոտնձգությունները Հայաստանի տարածքի նկատմամբ նպատակ են հետապնդում վարկաբեկել ռուսական խաղաղապահական և սահմանապահ առաքելությունը, ինչպես նաև կասկածի տակ դնել հաստատված ռեգիոնալ նոր ստատուս քվոյի արդյունավետությունն ու հեռանկարայնությունը։

Ողբերգական պատերազմի արդյունքում մեր համահայ ժողովուրդի մի մասն Արցախի Հանրապետությունում բռնության զոհ դարձավ եւ զրկվեց հայրենիքից, հազարավոր լուսավոր հայորդիներ նահատակվեցին մարտի դաշտում։

Մենք խոնարհվում ենք նրանցից յուրաքանչյուրի սխրանքի, անձնազոհության եւ հիշատակի առաջ, սփոփանքի խոսքեր հղելով նրանց ընտանիքներին, հարազատներին, մարտական ընկերներին։

Միջազգային հանրությունը անհաղորդ մնաց հայկական հողում Մեծ Եղեռնից մեկ դար անց ծավալվող ողբերգությանը, միայն առանձին պետություններ, հասարակական, քաղաքական եւ պետական գործիչներ հավատարիմ մնացին համամարդկային արժեքներին, մարդկային ողջախոհությանը, մարդասիրությանը եւ սկզբունքներին, եւ այդ ծանր օրերին այցելեցին Հայաստան եւ Արցախ, որոնց մեր խորին երախտագիտությունն ենք հայտնում։

Սփյուռքի տասնյակ հազարավոր մեր հայրենակիցներ իրենց նվիրումը եւ լուման ներդրեցին, օգնության գալով արյունաքամ եղբայրներին եւ քույրերին, նրանցից շատերը կամավոր զինվորագրվեցին Հայոց Բանակին, իսկ ոմանք էլ նահատակվեցին հանուն Ազատ եւ Անկախ Հայաստանի, Ազատ եւ Անկախ Արցախի։

Միեւնույն ժամանակ, Արցախյան 44-օրյա պատերազմը վեր հանեց Հայաստանի անկախության ժամանակաշրջանի վերնախավերի հետեւողական բացթողումների, կարճատեսության, հանցագործ անտարբերության, դոգմատիզմի, գավառամտության, իսկ որոշ դեպքերում էլ՝ ուղղակի հակապետական, հանցավոր քայլերի հետեւանքների, ժողովրդավարության նահանջի, պետության զավթման եւ մաֆիոզ պետության կազմավորման, քաղաքացուն պետությունից օտարման, պետության դիմադրողական կարողությունների, մարդկային, կազմակերպական եւ մտավոր ներուժի վատնման, դրա հետ շաղկապված՝ ահագնացող եւ չհաղթահարվող սպառնալիքների մի ողբերգական ամբողջություն, որը եւ կանխորոշեց այդ պատերազմի սանձազերծման հնարավորությունը, այնուհետեւ՝ նման ընթացքը։

Համոզված ենք, որ ողջ այդ ճանապարհը, որը հանգեցրեց պատերազմի, պետք է դառնա խորը, համապարփակ, բարեխիղճ եւ շահախնդիր ուսումնասիրության առարկա, որի արդյունքները, հետեւությունները ոչ միայն պետք է հրապարակայնորեն ներկայացվեն հանրությանը, դրանից բխող քաղաքական, բարոյական եւ իրավական հետեւանքներով, այլեւ քաղված դասերը հիմք դառնան մեր պետության արմատական բարեփոխման եւ արդիականացման, ապագայի ռազմավարությունների համար։

Գտնում ենք, որ երկիրը պիտի շարունակի անշեղորեն ընթանալ ժողովրդավարության հաստատման և զարգացման այլընտրանք չունեցող ճանապարհով՝ իրապես իրավական, ժողովրդավարական, սոցիալական պետություն ունենալու համար։

Պարտավոր ենք անել ամեն բան երկրի ներքին անվտանգությունը ապահովել՝ բացահայտելով և չեզոքացնելով ներքին պառակտիչ, քայքայիչ և պետությունը ներսից կազմաքանդելու նպատակ հետապնդող հինգերորդ շարասյուն հանդիսացող կեղծ քաղաքական ուժերին։

Անցած պատերազմը նաեւ հոդս ցնդեցրեց նորագույն ժամանակաշրջանում ձեւավորված՝ անվտանգության, պաշտպանական, արտաքին, արտաքին տնտեսական եւ մնացյալ բոլոր քաղաքականությունների հիմքում ընկած քաղաքական դիցաբանությունը, որը տարիներով տանում էր երկիրը դեպի փակուղի, պատերազմի արհավիրքը դարձնելով դրա անխուսափելի եւ ողբերգական վերջաբանը։

Համոզված ենք, որ անհրաժեշտ է միջազգային հանրության առջև վեր հանել բոլոր այն միջազգային անվտանգության խնդիրները, որոնք առաջ են եկել քառասունչորս օրյա պատերազմի ժամանակ և դրանից հետո՝ ապահովելու համար ուժի գործադրման կամ դրա սպառնալիքի, ագրեսիվ պատերազմ սանձազերծելու հետագա որևէ հնարավորությունը աշխարհի ցանկացած կետում։

Կուսակցությունը գտնում է, որ արցախցիների անվտանգության, խաղաղ կյանքի և զարգացման համար արցախյան խնդիրը պետք լուծվի բացառապես խաղաղ միջոցներով, միջազգայնորեն ճանաչված՝ ազգերի ինքնորոշման և անջատում հանուն փրկության սկզբունքների շրջանակում։

Մենք հավատացած ենք, որ երկրի բոլոր վերքերն ամոքելու, անդառնալի ահռելի կորուստներն իմաստավորելու, մեր պետականության հետագա ընթացնքն ապահովելու ճանապարհը մեկն է`վերցնել մեր ճակատագիրը մեր ձեռքը, վերստանձնել պատասխանատվությունը սերունդների առաջ, արդիականացնել և հիմնովին զարգացման ընթացքի մեջ դնել Հայաստանի զինված ուժերըեւ ապահովել տարածաշրջանային խաղաղություն, անվտանգություն, բարիդրացիական հարաբերություններ հարեւան պետությունների հետ։

Հանուն Հանրապետության Կուսակցությունը վերահաստատում է իր պարտավորությունը ինքնիշխան և ժողովրդավարական Հայաստանի եւ Հայաստանի քաղաքացիների և հայ ժողովրդի առաջ՝ բարեխղճորեն ծառայելու մեր Հայրենիքի համազգային, դիմադրողունակ կարողությունների կերտման, նախորդ սերունդների քաղաքական պարտքերը փակելու, ապագա սերունդներին դրա բեռից ազատելու գործին։

Հանուն Հանրապետության Կուսակցության Քաղաքական Խորհուրդ
09.11.2021
Երեւան

Բաժիններ
Ուղիղ
Լրահոս
Որոնում