ԱՄՆ նախագահ Բարակ Օբաման դեմառդեմ բախվել է աջ պահպանողական «Թեյի կուսակցության» ակտիվիստների հետ: Կուսակցության առաջնորդ Ռայան Ռոդսը Այովա նահանգում բացօթյա հանդիպման ժամանակ մոտեցել է Օբամային: Նա բղավել է, որ Օբաման կոչ է անում ավելի քաղաքակիրթ քաղաքական պահվածքի, բայց «փոխնախագահը ինձ նման մարդկանց՝ «Թեյի կուսակցության» անդամներին, անվանել է ահաբեկիչ»:
«Ես բացարձակապես համամիտ եմ, որ բոլորս պետք է իջեցնենք մեր հռետորաբանության տոնայնությունը»,- պատասխանել է Օբաման: «Այն պահից, երբ ինձ անվանեցին այս երկրում չծնված սոցիալիստ, որը քանդում է Ամերիկան և խլում նրա ազատությունները, որովհետև ես անցկացրի առողջապահության մասին օրինագիծը, ես ամբողջությամբ հռետորաբանության տոնայնությունը ցածրացնելու կողմնակից եմ»:
Բանավեճը շարունակվել է, և Ռոդսը հետագայում հայտնել է մամուլին, որ իսկապես կարծում է, որ Օբաման սոցիալիստ է:
