Վրաստանի նախկին նախագահ Միխեիլ Սաակաշվիլի դիմել է միջազգային հանրությանը՝ բողոքելով, որ քրեական գործերով դատական լսումներ չեն նշանակվում։ Այս մասին փոխանցում է RIA Novosti-ն։
Սաակաշվիլին ձերբակալվել է Թբիլիսիում, հոկտեմբերի 1-ին և այժմ գտնվում է Ռուսթավիի բանտում։ Վրաստանում նա անցնում է մի քանի քրեական գործերով։
Նա նշել է, որ ձերբակալությունը կատարվել է երկու դատավճիռների հիման վրա, որոնք ոչ ոք աշխարհում չի ճանաչում, ինչպես նաև երկու անավատ գործերով ձերբակալման հրամանի վրա։
«Ինձ արդեն 9 օր պահում են բանտում առանց լսումների, և դատավորն իմ փաստաբանին այսօր ասել է, որ առաջիկա շաբաթներին լսումներ չեն սպասվում։ Առկա է ակնհայտ փորձ՝ թույլ չտալու իմ հայտնվելը հանրության մեջ ընտրությունների երկրորդ փուլից առաջ, մինչդեռ գրեթե յուրաքանչյուր խոշոր քաղաքում իմ կուսակցությունն Իվանիշվիլիի կուսակցության հետ գնում է կողք-կողքի։ Հուսով եմ՝ աննկատ չեք թողնի այս գործը»,-գրել է Սաակաշվիլին իր ֆեյսբուքյան էջում։
