Օմանին և Իրանին պատուհասած «Շահին» արևադարձային ցիկլոնն առնվազն 9 մարդու կյանք է խլել, հաղորդում է BBC-ն։ Քամու ուժգնությունը հասել է ժամում 120-150 կմ-ի։ Օմանում 3 մարդ, այդ թվում՝ 1 երեխա, մահացել է ջրհեղեղի պատճառով։ Ափամերձ շրջաններից հազարավոր մարդիկ են տարհանվել։ Օմանի մայրաքաղաք Մասկատի փողոցները հեղեղվել են։
Արաբական Միացյալ Էմիրությունների՝ Օմանին սահմանամերձ շրջաններում մարդկանց խորհուրդ է տրվել երկուշաբթի օրն աշխատել տանից և դուրս չգալ փողոց։
Իսկ Իրանի իշխանությունները հայտնել են Սիստան և Բելուջիստան նահանգի նավահանգստում 6 հոգու մահվան մասին։ Ըստ իրանական ԶԼՄ-ների՝ ցիկլոնը վնասել է էլեկտրամատակարարման օբյեկտներ և ճանապարհներ։
