«Ռոսպոտրեբնադզո»-ի Վիրուսաբանության եւ բիոտեխնոլոգիաների «Վեկտոր» պետական գիտական կենտրոնն ուսումնասիրում Է վտանգավոր վիրուսների՝ կենդանիներից մարդուն հնարավոր փոխանցումը եւ, մասնավորապես, պատվաստանյութեր Է պատրաստում թռչնագրիպի դեմ: Այդ մասին լրագրողներին պատմել Է գիտական աշխատանքի հարցերով գլխավոր տնօրենի տեղակալ Ալեքսանդր Ագաֆոնովը:
«H5 եւ H7 գրիպի վիրուսի ենթատեսակները կարող են հիվանդացություն առաջացնել մինչեւ 70 տոկոս մահվան ելքով: Եվ այժմ այդ գրիպի վտանգավորությունը ոչ ոք չի բացառում: Մենք նաեւ պատվաստանյութ ենք պատրաստում գրիպի այդ բարձրախտածին վիրուսների դեմ, որովհետեւ մարդուն անցնելու դեպքում մահվան նման ելքը շատ լուրջ սպառնալիք կլինի ողջ բնակչության համար»,-ասել Է նա:
Մասնագետի խոսքով՝ գործնականում վիրուսների 90 տոկոսը, որոնք այժմ առկա են մարդու մոտ, զոոանտրոպոնոզ են, այսինքն՝ դրանց ենթակա են ե՛ւ կենդանիները, ե՛ւ մարդիկ, թեեւ դրանց նկատմամբ հակազդեցությունը տարբեր Է: Ընդ որում՝ առկա են մեթոդներ, որոնք թույլ են տալիս գնահատել, թե որքան արդյունավետորեն վիրուսը կբազմանա մարդկային օրգանիզմում: «Գրիպի օրինակն առավել վառ Է: Ռեցեպտորային ակտիվության փոփոխության դեպքում այն կարող Է բազմանալ կա՛մ մարդու վերին շնչուղիներում, կա՛մ ներքին շնչուղիներում, եւ այդ խոչընդոտը հենց մեզ թույլ Է տալիս առայժմ չհիվանդանալ այն վիրուսներով, որոնք առաջացնում են թռչնագրիպի բարձրախտածին շտամները»,-պարզաբանել Է Ագաֆոնովը:
Գիտնականը նշել Է, որ կորոնավիրուսի համավարակը ցույց Է տվել, թե որքան կարեւոր Է դեռ անհայտ վիրուսների հետազոտումը եւ մշտապես հետեւել կրկին հայտնաբերվող տարբերակներին: Ագաֆոնովը հավելել Է, որ միայն անցյալ տարի կենտրոնի մասնագետները կարողացել են հայտնաբերել 67 նոր վիրուս, իսկ թե դրանք որքան են կենդանիների, միջատների եւ բույսերի մոտ կամ պարզապես շրջակա միջավայրում, հայտնի չԷ եւ պետք Է միայն պարզել: H5N6 թռչնագրիպի դեպքերը գրանցվել են հուլիսի կեսերին՝ Չինաստանի Սիչուանի նահանգում: Փորձագետները եկել են այն եզրակացության, որ վիրուսը թռչնից Է անցել մարդուն, բայց ընդգրկուն տարածման ռիսկը չափազանց փոքր Է: Ընդամենը վարակվել են տեղի երեք բնակիչներ, նրանցից մեկը մահացել Է, հաղորդել Է ՌԻԱ Նովոստին: