Փաստաբանական պալատի նախագահի թեկնածու Գևորգ Գյոզալյանը իր ֆեյսբուքյան էջում գրում է․ Անիմաստ է վերանորոգել այն տունը, որի սեփականատերերը անմիջական չեն տեսնում դրա անհրաժեշտությունը: Հավասարապես մեծագույն սխալն է սեփականատերերի հարևաններին խնդրել, որ խնդրեն սեփականատերերին, որ թույլ տան վերանորոգումը: Վերանորոգման պահանջը աներկբայորեն պետք է բխի սեփականատերերից, որի պայմաններում միայն վարպետը կարող է համարձակորեն անցնել իր գործին, իր թիկունքում ունենալով սեփականատերերի պատվերը:
Փաստաբանների մեջ ես ունեմ բազմաթիվ ընկերներ, իմ ընկերները ունեն բազմաթիվ այլ փաստաբան ընկերներ, բայց փաստաբանները լավ ընկեր չեն ընտրելու այլ պետք է ընտրեն մասնագետ, ով ըստ իր ներկայացրած նախագծի կարող է վերանորոգել ՓՊ-ն:
Ահա սա է, որ մեզ տարբերում է մյուսներից, մենք չենք զանգում ծանոթ փաստաբանների և խնդրում, որ իրենց ձայնը տան մեզ, մենք “լավություն” չենք անում ու դրա դիմաց ապագայում ակնկալում ենք հատուցում, մենք անթույլատրելի ենք համարում կրթված մարդուն խնդրելու, որ իր ձայնը տա ինչ-որ մեկին, քանի որ համարում ենք, որ դրանով կարող ենք վիրավորել այդ անձին: Մենք միանգամից մերժում ենք երկու խաղ խաղացողներին կամ իրենց ձայնը վաճառողներին:
Գիտեմ սիրելիներս, որ ինձ մեղադրում եք իդեալիզմի մեջ, գիտեմ, որ ինձ հակադարձում եք, որ մեր բռի ժամանակներում անհրաժեշտ է ուժով և խորամանկությամբ գործելու, բայց չէ իմ թանկագին ընկերներ, իմ առաքելությունը այն է, որ ես ցանեմ իդեալի սերմերը և ոչինչ որ հնարավոր է, որ մենք չքաղենք դրա պտուղները, հավատացած եմ, որ ժամանակի մեջ այդ սերմերը կտան իրենց գերազանց պտուղները…
