Հանրային միջոցները պետք է արդյունավետ ծախսվեն. Այնպես չէ, որ մենք վճարվում ենք, որ աշխատանքի նման տեմպով աշխատենք, երբ 4 օր շարունակ ընդամենը փոխհրաձգոըւթյուներով, փոխադարձ մեղադրանքներով է գնում: Այս մասին «Առաջին լրատվական»-ի հետ զրույցում նշեց «Քաղաքացիական պայմանագիր» խմբակցության պատգամավոր Սերգեյ Բագրատյանը՝ անդրադառնալով ԱԺ աշխատանքին:
«Խոսքը ուժ ունի: Խոսքը ասացիր, դու խոսքի գերին ես: Երբ խոսքն ասում ես, դու պարտավորություն ես վերցնում քո վրա և մեր ընդդիմադիր գործընկերները այդ պարտավորությունը բերել են ԱԺ դահլիճ: Այն, ինչ խոսվել է փողոցում, միտինգների ժամանակ, այդ փողոցային դիսկուրսը տեղափոխվել է խորհրդարան և անհարմարություն է ստեղծել աշխատանքի ընթացքի համար»,-ասաց նա:
