ԱՄՆ-ի նախագահ Ջո Բայդենն առաջադրել է Արիզոնա նահանգի նախկին սենատոր Յեֆֆ Ֆլեյքի թեկնածությունը Թուրքիայում ԱՄՆ-ի դեսպանի պաշտոնի համար։ Ըստ տեղեկության, եթե ԱՄՆ սենատը իր հավանությունը տա Բայդենի թեկնածուին, ապա Ֆլեյքը կնշանակվի ԱՄՆ-ում Թուրքիայի արտակարգ և լիազոր դեսպան։
Ինչպես հաղորդում է Ermenihaber-ը՝ իր թեկնածությունը այդ պաշտոնում առաջադրելու վերաբերյալ ամերիկացի դիվանագետը Twitter-ում գրառում է արել նշելով.
«Հաշվի առնելով, ՆԱՏՕ-ի դաշնակից Թուրքիայի հետ հարաբերությունների ռազմավարական նշանակությունն ԱՄՆ-ի համար, զգացված եմ այն վստահության համար, որը ցուցաբերեց ԱՄՆ նախագահը իմ նկատմամբ։ Սա առանցքային պաշտոն է երկու երկրների համար, կարևոր ժամանակաշրջանում»։
Մինչ այս պահը Թուրքիայում ԱՄՆ դեսպանը Դեյվիդ Սաթերֆիլդն էր, որի պաշտոնավարման ժամկետը ավարտվեց օրերս։
