Թբիլիսիում պարեկային ոստիկանության աշխատակիցները սկսել են ձերբակալել բողոքի ակցիայի մասնակիցներին, որոնք ձվեր են նետել իշխող «Վրացական երազանք» կուսակցության շենքի վրա, կադրերը հեռարձակում են վրացական հեռուստաալիքները:
Վրաստանի ՆԳՆ-ն դեռ չի հայտնել ձերբակալվածների ճշգրիտ թիվը։ Ակցիայի մասնակիցները, որոնք ի սկզբանե հավաքվել էին Վրաստանի խորհրդարանի մոտ, շարժվել են իշխող կուսակցության գրասենյակի շենքի մոտ և ձվեր նետել։ Նրանք նաև ներկ են լցրել իրավապահների վրա:
Այս պահին վարչապետի հրաժարականի պահանջով ակցիան ավարտվել է։
Հիշեցնենք, որ Թբիլիսիում վարչապետի հրաժարականի պահանջով բողոքի ակցիաներ են։
Կառավարության ղեկավարի հրաժարականի պահանջն առաջացել է այն բանից հետո, երբ հայտնի է դարձել, որ մահացել է հուլիսի 5-ի ակցիային տուժած «TV Pirveli» հեռուստաընկերության օպերատոր Ալեքսանդր Լաշկարավան:
Սկզբում նրան հիվանդանոց են տեղափոխել աչքի վնասվածքով, հետո դուրս են գրել։ Մի քանի օր անց տղամարդուն տանը մահացած է գտել նրա մայրը։
ՆԳՆ-ում հայտնել էին Լաշկարավային ծեծելու մեջ կասկածվող 4 մարդու ձերբակալության մասին։
Վրացական «TV Pirveli» հեռուստաընկերության օպերատոր Ալեքսանդր Լաշկարավայի մահվան պատճառը կարող էր լինել թմրանյութերի գերդոզավորումը, հայտնել են երկրի ՆԳՆ-ում կայացած ճեպազրույցի ժամանակ:
