Ստորև ներկայացնում ենք Վարուժան Սահակյանի և Լիլիկ Մելքոնյանի դիմումը Երևանի քաղաքապետ Կարեն Կարապետյանին։
Հարգելի պարոն քաղաքապետ Կարեն Կարապետյանին`Վարուժան Սահակյանից և Լիլիկ Մելքոնյանից, Երևան, Ազատության 10, բն.28։
Ես` Վարուժան Իսահակի Սահակյանս, Վերնիսաժի վերաբերյալ վերջերս համացանցում շրջանառվող տեսանյութերի մասին զրուցեցի Վերնիսաժի հիմնադիր տնօրեն Հարություն Նավասարդյանի հետ:
Կարճ ներկայացնեմ ներկայումս տիրող իրավիճակը: Այն լկտի վերաբերմունքը, որն արտացոլված է տեսահոլովակներում, իրականացվել է մասնավոր անձանց կողմից, որոնք նույնպես աշխատում են Վերնիսաժում: Գլխավոր տնօրենը, այդ ընթացքում տեղեկանալով գործող իրավիճակի մասին, շտապ հետ է վերադարձել և հարցերին պատշաճ լուծում է տվել: Իրականացված գործողությունները եղել են ադեկվատ և համապատասխան արդարության սկզբունքին:
Ես և իմ մայրը շնորհակալ ենք իր կողմից ցուցաբերած բարիդրացիական վերաբերմունքի համար: Մենք, տեսնելով վերջին ժամանակներում Վերնիսաժի բարեփոխումները և վերակառուցումները, նկատում ենք, որ սա տանում է Վերնիսաժի` դեպի առավել բարեկեցիկ և քաղաքակիրթ մշակույթի հասարակական վայր դառնալուն, և այս հարցում բոլոր նշված բարեփոխումները ակնառու են և արված են բարեկեցիկ աշխատանքային միջավայր ստեղծելու համար:
Մենք տեղյակ ենք, որ պարոն քաղաքապետի ամենօրյա հսկողության տակ է Վերնիսաժը, և դրա արդյունքում Վերնիսաժի 2400 աշխատողների համար ստեղծվել են բարեկեցիկ աշխատատեղեր: Մեկ այլ նամակով մենք տեղեկացել ենք, որ Վերնիսաժի աշխատակիցները շնորհակալական նամակ են պատրաստել «Հ.Նավասարդյան» ՍՊԸ-ին և քաղաքապետին, ինչպես նաև Կենտրոն համայնքի վարչական ղեկավարին՝ իրենց արած ներդրուների արդյունքում Վերնիսաժում ձևավորված բարեկեցիկ աշխատատեղերի համար:
