Ժամանակակից Իրանի պատմության մեջ նախագահական 13-րդ ընտրություններն ավարտվել են տեղի ժամանակով 02։00-ին։ Քվեարկությունը սկսվել էր 07։00-ին և պետք է շարունակվեր մինչև կեսգիշեր, սակայն ընտրատեղմասերի աշխատանքը երկարացվել է մասնակիցների հոսքի պատճառով։
Արդյունքները, ենթադրաբար, կհրապարակվեն այսօր։ Համաձայն հարցումների՝ ֆավորիտ է համարվում Գերագույն դատարանի նախագահ Իբրահիմ Ռայիսին, որին հաջորդում է Նպատակահարմարության խորհրդի քարտուղար Մոհսեն Ռեզային։ Մյուս երկու հավակնորդներն են Մեջլիսի փոխնախագահ Ամիր Հոսեյն Կազիզադե Հաշեմին և ԿԲ նախկին նախագահ Աբդոլնասեր Հեմաթին։
Առաջին փուլում հաղթանակի համար թեկնածուներից մեկը պետք է հավաքի ընտրողների ձայների 50 տոկոսից ավելին։ Հակառակ դեպքում կպահանջվի երկրորդ փուլ, որը կկայանա հունիսի 25-ին։