Գերմանիայի խորհրդարանը որոշում է ընդունել ազգային մասշտաբի համաճարակի ռեժիմի գործողությունը մինչև սեպտեմբերի 30-ը երկարաձգելու վերաբերյալ։ Ռեժիմն առաջին անգամ սահմանվել էր 2020 թվականի մարտին՝ կապված կորոնավիրուսային պանդեմիայի հետ։ Այս մասին հայտնում է DPA գործակալությունը։
Ռեժիմի երկարաձգման օգտին է քվեարկել 375 պատգամավոր, դեմ՝ 218-ը, 6-ը ձեռնպահ են մնացել։ Ռեժիմը թույլ է տալիս կառավարությանն ամեն անգամ կոնկրետ սահմանափակումներ ներմուծել կամ երկարացնել դրանք առանց խորհրդարանի և Բունդեսրատի՝ Դաշնային հողերի ներկայացուցիչների պալատի հատուկ սանկցիաների։
Ներկայում Գերմանիայում գործում է լոքդաուն, սակայն ոչ այնքան խիստ, որքան ձմռանը։ Դպրոցներն ու մանկապարտեզները բաց են, որոշ տարածքներում թանգարանները գործում են։
Տարածաշրջաններն աստիճանաբար անցնում են սահմանափակող միջոցառումների մեղմացման։
Ռոբերտ Կոխի անվան ինստիտուտի տվյալներով՝ վերջին մեկ օրում երկրում նոր դեպքերի թիվն ավելացել 2440-ով։ Պանդեմիայի մեկնարկից ի վեր երկրում կորոնավիրուսով է վարակվել 3 711 569 բնակիչ, մահացել՝ 89 687-ը, որից 102-ը՝ վերջին օրում։