Ан-12-ի վթարի հնարավոր պատճառ կարող էր լինել պայթյունը, որն առաջացել է վառելիքի արտահոսքի հետևանքով: Այս մասին հաղորդում է РИА Новости-ին` հղում կատարելով տեղի իրավապահ մարմիններին: Մինչ այդ Ռուսաստանի արտակարգ իրավիճակների նախարարությունը հայտնել էր, որ ինքնաթիռի կտորները տարածվել են 5 և ոչ թե 2 կիլոմետր շառավղով, ինչպես հաղորդվել էր ավելի վաղ:
Ինչպես հաղորդում է Интерфакс-ը, հղում կատարելով իրավապահ մարմիններում իր աղբյուրին, հայտնաբերվել են նաև ինքնաթիռի սև արկղերը:
Հիշեցնենք, որ նախօրեին Մագադանի մոտակայքում Ан-12 ինքնաթիռն արտակարգ վայէջքի թույլտվություն էր խնդրել, որից հետո կորել էր ռադարների տեսադաշտից:
Ինքնաթիռի անձնակազմի 9 անդամները և 2 ուղևորները զոհվել են:
