Կոլումբիան հունիսի 2-ից բացել է սահմանը Վենեսուելայի հետ: Սահմանը փակ էր արդեն 14 ամիս՝ պայմանավորված կորոնավիրուսի համավարակի տարածումը կասեցնելու անհրաժեշտությամբ:
Կոլումբիան, որը Վենեսուելայի հետ ունի 2220 կմ սահման, երկրի սոցիալ-տնտեսական խնդիրներից փախչող վենեսուելացիների համար հիմնական ուղղվածությունն էր դարձել: Ընդ որում, երկու երկրները չունեն դիվանագիտական հարաբերություններ:
Մայիսի 19-ից Կոլումբիան բացել էր սահմանները նաև Բրազիլիայի, Էկվադորի, Պերուի ու Պանամայի հետ:
Այդ երկրում բնակվում է 1.7 մլն վենեսուելացի: Այս թիվը կարող է առաջիկայում ավելանալ, քանի որ Կոլումբիայի կառավարությունը որոշում է ընդունել վենեսուելացի միգրանտներին 10 տարով ժամանակավոր կարգավիճակ տալ:
