Ինչ ըմպելիքներ և ինչու չպետք է խմել դատարկ ստամոքսին, ռադիո Sputnik- ին տված հարցազրույցում պատմել է բժշկական գիտությունների դոկտոր սննդաբան Միխայիլ Գինզբուրգը:
Նրա խոսքով՝ ուտելուց առաջ անկասկած կարելի է ջուր խմել: Բայց մնացած բոլոր ըմպելիքները դատարկ ստամոքսին կարելի է խմել՝ հաշվի առնելով առողջական վիճակը, քանի որ դրանցից որոշները կարող են գրգռել ստամոքսը, իսկ մյուսները կարող են հանգեցնել արյան շաքարի մակարդակի կտրուկ բարձրացման:
Օրինակ՝ կաթնաթթվային ըմպելիքները, շփվելով ստամոքսի բորբոքված թաղանթի հետ, կարող են ցավ առաջացնել: Գինզբուրգի խոսքերով՝ միայն այդ օրգանի առողջ լինելու դեպքում կարելի է թթվային հեղուկներ օգտագործել դատարկ ստամոքսի վրա: Ուտելուց հետո ստամոքսը ավելի լավ է պաշտպանված, բացատրել է նա: Նման իրավիճակ է որոշ այլ խմիչքների դեպքում:
«Եթե ստամոքսը առողջ է, կարող եք կանաչ թեյ խմել կաթով, երբեմն կարելի է նաև կաթով սուրճ», – ասել է սննդաբանը:
Նրա խոսքով՝ հյութերը շկարող են ստամոքսն ուժգին գրգռել, և սա է պատճառներից մեկը, որ դրանք պիտանի չեն դատարկ ստամոքսին խմելու համար: Բայց կա ևս մեկ հանգամանք. ցանկացած հյութ, նույնիսկ բանջարեղենային, պարունակում է շաքար: Նույնիսկ եթե մարսողական համակարգը կատարյալ է աշխատում, այս նյութը պարունակող ըմպելիքները կարող են արյան շաքարի բարձրացում առաջացնել, զգուշացրել է Գինզբուրգը:
«Ո՞րն է խնդիրը. Այն ամենը, ինչ մենք խմում ենք դատարկ ստամոքսով, շատ արագ է հասնում աղիքներին և այնտեղ սկսում է շատ արագ ներծծվել: Հետևաբար, շաքար պարունակող գազավորված ըմպելիքները, շաքար պարունակող ըմպելիքները, ինչպիսիք են թեյը, կոմպոտը, անցանկալի է խմել դատարկ ստամոքսին», – ասել է սննդաբանը:
Բայց ալկոհոլը հատկապես վնասակար է դատարկ ստամոքսին, շեշտել է նա:
«Ալկոհոլը դատարկ ստամոքսին չափազանց անցանկալի է. այն արագ ներծծվում է, արյան մեջ շաքարի մակարդակը բարձրանում է, և առաջանում է տհաճ խնդիր՝ նյութափոխանակության խանգարում», – բացատրել է Գինզբուրգը:
