«Լավրովի պլանը» Հայաստանին ուժով պարտադրելուց ու Արցախը ռուս-թուրքական աքցանի մեջ խցկելուց հետո Հայաստանից պահանջվում է մեր հայրենիքի ողնաշարը հանձնել ռուսական հատուկ ծառայությունների վերահսկողությանը։
Հայաստանյան առաջիկա ընտրություններում սեփական ժողովրդին և պետականությանը հաղթելու հայտ ներկայացրած դավաճանները, հանուն իշխանության որոշել են ռուս-թուրքական բարեկամությանը նվիրաբերել Սյունիքի միջանցքը:
Թույլ տալ, որ Հայաստանի իրավազորության տակ գտնվող ճանապարհը վերահսկվի ոչ թե հայկական զինված ուժերի կողմից, այլ ռուսական զինուժի կողմից, կնշանակի երկիրը հանձնել ռուս-թուրքական օկուպացիային:
Եթե Մոսկվային հաջողվի Երևանին իր այս հայաստանասպան ծրագիրը պարտադրել, շատ չանցած ռուսներն ու թուրքերը ձեռնարկելու են Սյունիքը Հայաստանից անջատելու իրավական գործընթաց՝ «միջանցքին» արտատարածաշրջանային (extraterritorial) կարգավիճակ «շնորհելով»:
Հայաստանին անհապաղ անհրաժեշտ է գտնել իրական միջազգային գործընկերներ՝ Հայաստանը կործանման տանող ռուս-թուրքական այս նախագծը օրորոցում թաղելու համար…
