Մենք արդարադատության ոլորտում էլ ենք իրականացրել հեղափոխական փոփոխություններ։ ԱԺ ամբիոնից հայտարարեց ՀՀ վարչապետի պաշտոնակատար Նիկոլ Փաշինյանը։
ՀՀ քրեակատարողական հիմնարկներում նրա խոսքով կալանովրված և դատապարտված անձանց թիվը պատմական նվազագույնի է հասել, ինչը Նիկոլ Փաշինյանի կարծիքով արդարադատության ոլորտում իրենց իրականացրած բարեփոխումների արդյունք է։
«Դատարաններն այսօր այլևս նախաքննության մարմինների կցորդը չեն։ Այդ հազարավոր հայրերը, որ այսօր իրենց երեխաների կողքին են, դա է՞ կարևոր, թե՞ կարևոր է այն, թե ինչ է մտածում քաղաքական էլիտան դատաիրավական համակարգի մասին։ Կարծում եմ՝ մենք այսօր հասել ենք ամենակարևոր փոփոխությանն արդարադատության ոլորտում։ Վստահ կարող ենք ասել, որ այսօր ՀՀ քրեակատարողական հիմնարկներում անմեղ մարդ չկա»,-նշեց Նիկոլ Փաշինյանը։
