Ցայսօր ՄԻԵԴ է ներկայացվել 249 դիմում՝ հայ ռազմագերիների և քաղաքացիական անձանց իրավունքների պաշտպանության համար: Դիմումները ներկայացվել են ՀՀ-ի և փաստաբանների կողմից, 137 դիմում ներկայացվել է ՀՀ ներկայացուցչի կողմից: Այս մասին «Առաջին լրատվական»-ի հետ զրույցում նշեց ՄԻԵԴ-ում Հայաստանի ներկայացուցչի գրասենյակի ղեկավար Լիպարիտ Դրմեյանը՝ անդրադառնալով հարցին, թե ինչ գործընթաց է կատարվում ՄԻԵԴ-ում հայ գերիների հարցով:
Անդրադառնալով հարցին, թե փաստորեն 249 գերի ունե՞նք , Դրմեյանը պատասխանեց. «Ո՛չ, 249 դիմում է ներկայացվել որոշակի ապացույցների հիման վրա, ըստ որոնց՝ կարելի է եզրակացնել, որ անձը, զինվորը, ռազմական գործիչը կամ քաղաքացիական անձը գտնվում է գերության մեջ կամ պատանդ է պահվում Ադրբեջանում: Այս թիվը հրապարակվել է ՄԻԵԴ-ի պաշտոնական կայքէջում: Դեպքերի ճնշող մեծամասնության դեպքում ապացուցողական բազան սոցիալական կայքերում տարածված տեսանյութերն ու ֆոտոնյութերն են, որոնք հիմնականում ադրբեջանական ծագում ունեն»:
«Մարտի 9-ին ՄԻԵԴ-ը, անսալով ՄԻԵԴ-ում ՀՀ ներկայացուցչի բազմաթիվ դիմումներին, իր բարձրության վրա գտնվեց և ՄԻԵԴ-ի կայացրած որոշումները Ադրբեջանի կողմից չկատարվելու մասին ծանուցում ուղարկեց ԵԽ նախարարների կոմիտե»,- նշեց Դրմեյանը:
Մանրամասները՝ տեսանյութում:
