Քաղաքական մթնոլորտը Հայաստանում թեժ է, պետության համար վտանգավոր իրավիճակ է ստեղծվել, արտահերթ խորհրդարանական ընտրություններով հնարավոր կլինի լարվածությունը մեղմել: Այս մասին «Առաջին լրատվական»-ի հետ զրույցում նշեց քաղաքագետ «Հանուն հանրապետության ԺՊԴԿ ղեկավար մարմնի անդամ Ռոբերտ Ղևոնդյանը:
Քաղաքագետ Արեգ Քոչինյանը կարծիք հայտնեց, որ քաղաքական մթնոլորտը պայմանավորված է պատերազմում պարտությամբ, մնացած ամեն ինչը այդ պարտության ելևէջներն են: Պետք է արձանագրենք, որ առկա է լրջագույն ներքաղաքական ճգնաժամ, որը դեռևս զարգանում է: «Ես էլ եմ կարծում, որ արտահերթ ընտրությունները միակ հանգուցալուծումը կարող են լինել, բայց դա ընդամենը թույլ է տալու կասեցնել ներքաղաքական ճգնաժամը, իսկ մեզ պետք է ստեղծարար այլընտրանք, մեզ պետք են նոր գաղափարներ:
Անդրադառնալով հարցին, թե արդյո՞ք «17»-ը ընտրության առջև է կանգնել՝ ընտրի երկրորդ, թե երրորդ նախագահին, Ղևոնդյանը պատասխանեց. «Կարծում եմ՝ թե՛ երկրորդ, թե՛ երրորդ նախագահները փորձում են ԳՇ-ի հետ կապված իրավիճակը քաշել իրենց տակ: Եվ «17»-ը հայտնվել է մի իրավիճակում, որ իրենց առջև դրված մաքսիմալ պլանն արդեն անիմաստ է, որովհետև դրան հասնել, ակնհայտ է, որ հնարավոր չէ, այսինքն՝ իշխանության զավթման և իշխանափոխության: Իսկ մինիմալ պլանը արտահերթ խորհրդարանական ընտրություններն են, և նրանց դերակատարությունը փաստորեն անիմաստ է դառնում ներքաղաքական գործընթացների մեջ: Եվ կարծեք թե այդ առումով 17-ը ընտրության առաջ է, թե որ ուղղությամբ գնա»:
Քոչինյանի դիտարկմամբ՝ որ Ռ. Քոչարյանը, 17-ը և նրանց «շոշափուկները» իրենց քաղաքական նպատակների իրականացումը չեն կապում հայ ժողովրդի կամարտահայտման հետ. «Նրանք հույս չունեն իշխանության գալ ընտրություններով, և հույս չունեն, որ կխուսափեն արդարադատությունից, նրանցից յուրաքանչյուրն ունի իր բանաձևը, Քոչարյանի համար դա ռուսական հովանավորությունն է, Վազգեն Մանուկյանի «կրեդոն» բռնության ճանապարհն է, Սերժ Սարգսյանինը՝ ինտրիգներն են: Նրանց ճանապարհը ժողովրդավարությունը չէ»:
Մանրամասները՝ տեսանյութում: