2015-ի փետրվարի 27-ի երեկոյան Կրեմլի պատերի մոտ սպանված քաղաքական գործիչ Բորիս Նեմցովի դուստրը՝ Ժաննա Նեմցովան, ասել է, որ շուտով այս հանցագործության հետաքննության նոր մանրամասներ կարող են հայտնվել:
«Գործը չի փակվել, քննչական խումբը դեռ պաշտոնապես աշխատում է», – ասել է նա «Էխո Մոսկվի» ռադիոկայանի եթերում: Միևնույն ժամանակ, Նեմցովան հավելել է, որ այժմ հայտնվել են հետաքննող լրագրողների հետ կապված նոր հնարավորություններ:
Ըստ նրա, լրագրողական թիմերը վերջերս արդյունավետ են աշխատում մի շարք այլ դեպքերի վրա, և հույս կա, որ նրանք առաջընթաց կգրանցեն նաև Բորիս Նեմցովի սպանության հարցում:
«Ես գիտեմ, որ այժմ հետաքննող լրագրողների մի քանի խմբեր վերանայում են Նեմցովի գործի նյութերը, ուսումնասիրում են տեղեկատվության այլ աղբյուրներ», – ասել է քաղաքական գործչի դուստրը:
Ժաննա Նեմցովան հավելել է, որ, իր կարծիքով, շատ շուտով շատ նոր մանրամասներ կհրապարակվեն:
