Մարդկությունը դեռ պատրաստ չէ հնարավոր հաջորդ համավարակին, համոզված է մուլտիմիլիոնատեր Բիլ Գեյթսը:
Süddeutsche Zeitung-ին տված հարցազրույցում նա նշել է, որ կորոնավիրուսի ներկայիս համավարակն ահավոր է: Այնուամենայնիվ, հաջորդը «կարող է տասն անգամ ավելի վատը լինել»: Միևնույն ժամանակ, Գեյթսը հույս է հայտնել, որ երկու տարի անց իրավիճակն այլ տեսք կունենա:
Նրա խոսքով, շատ բան կարելի է անել, օրինակ՝ պատվաստանյութեր, թեստեր, դեղամիջոցներ, մոնիտորինգ: COVID-19-ը, ինչպես նշել է միլիարդատերը, դարձել է մարդկանց առօրյա կյանքի մի մասը, ինչպես երկրաշարժերը, տորնադոները կամ կլիմայի փոփոխությունները:
Կառավարությունը պետք է քաղաքացիներին պաշտպանի այդ դժբախտություններից: Մասնավորապես, ախտորոշման լավագույն հնարավորությունները թույլ կտային ավելի արագ բացահայտել վարակվածներին, ինչպես նաև կօգնեին զգալիորեն կրճատել զոհերի թիվը, հատկապես Միացյալ Նահանգներում:
