Հունաստանում, 77 տարեկան հասակում, մահացել է Հունաստանի հասարակական կարգի նախկին նախարար Սիֆիս Վալիրակիսը: Այս մասին հայտնում է Skai հեռուստաալիքը:
Լրատվամիջոցները նշում են, որ Վալիրակիսը փչովի նավակով զբոսանքի է գնացել Էվբեա կղզում Էրետրիա քաղաքի մոտակայքում, որտեղ նրա ընտանիքը ամառանոց ունի:
Սակայն նա երկար ժամանակ չի վերադարձել տուն, ինչից հետո նրա կինն այս մասին տեղեկացրել է առափնյա պահպանության ծառայությանը: Որոնումների ընթացքում փրկարարները նավ են գտել, որում ստորջրյա որսի երկու զենք է եղել:
Նախարարի դին ավելի ուշ հայտնաբերվել է Էվբեայի մերձակայքում գտնվող փոքրիկ կղզու ժայռերի մոտ:
Նախնական վարկածի համաձայն՝ նախկին նախարարը կամ սայթաքել է նավակից կամ հանկարծ իրեն վատ է զգացել:
1995-1996 թվականներին Վալիրակիսը աշխատել է որպես նախարար։ 1997-ին նա պատգամավոր է ընտրվել: