Կոլումբիայի շրջանի գլխավոր դատախազ Կառլ Ռասինը մտադիր է հարցաքննել ԱՄՆ գործող նախագահ Դոնալդ Թրամփի ավագ որդուն՝ Դոնալդ Թրամփ-կրտսերին: Այս մասին հաղորդում է Washington Post-ը՝ հղում անելով գլխավոր դատախազի գրասենյակին:
Հաղորդագրության մեջ նշվում է, որ Թրամփ-կրտսերին ծանուցվել է, որ նրան ցանկանում են հարցաքննել 2017 թվականի հունվարին իր հոր երդմնակալության արարողության համար հավաքված միջոցների ենթադրյալ ոչ նպատակային վատնման գործով:
Քննության վարկածով, երդմնակալության արարողության համար դրամահավաքի կոմիտեն ավելի քան 1 միլիոն դոլար է ծախսել Trump Organization-ին պատկանող հյուրանոցում բանկետի սրահ, համարներ վարձակալելու և սնունդ գնելու համար:
