Ռուսաստանի Կենտրոնական բանկի նախագահի առաջին տեղակալ Գենադի Մելիքյանը պաշտոնանկ կարվի, քանի որ չի կարողացել վերահսկել մի քանի խոշոր բանկերի գործունեությունը, այդ թվում՝ «Բանկ Մոսկվի»-ի: Ինքը՝ Մելիքյանը, հերքում է այս մեղադրանքները՝ նշելով, որ պարզապես «իր ժամանակը եկել է»: Այս մասին գրում է Ведомости-ն:
Մելիքյանի հրաժարականի մասին լուրերը հայտնել են ԿԲ երկու աշխատակից: Մելիքյանն այժմ գտնվում է արձակուրդում, սակայն կարճ ժամանակով կվերադառնա: Մելիքյանը հաստատել է, որ հրաժարականի դիմում է ներկայացրել, քանի որ «դա վաղուց էր ցանկանում անել»:
ԿԲ-ի աշխատակիցների մեծ մասը հրաժարականի մասին տեղեկությանը ծանոթ չէին, սակայն նշել են, որ խոսակցություններն առաջ են եկել այն ժամանակ, երբ պարզվել է, որ «Բանկ Մոսկվի»-ի ղեկավարությունը մեծ չարաշահումներ է թույլ տվել, իսկ դրա վերահսկողությունը Մելիքյանի պարտականությունների մեջ է եղել:
Հիշեցնենք, որ Մելիքյանը Կենտրոնական բանկում է 2003 թ-ից, իսկ ներկայիս պաշտոնին՝ 2006 թ-ից:
