Վաշինգտոնում անկարգությունները 4 մարդու մահվան պատճառ են դարձել։ Այս մասին հայտնում է RIA Novosti-ն՝ հղում անելով մայրաքաղաքի ոստիկանապետին։
Ձերբակալվել է 52 մարդ, մեծ մասը՝ պարետային ժամը խախտելու, իսկ ոմանք՝ ապօրինի զենք կրելու համար։ Այս մասին հայտնում է NBC News-ը՝ վկայակոչելով քաղաքապետ Մյուրիել Բոուզերի գրասենյակի հայտարարությունը։
Ավելի վաղ Վաշինգտոնի քաղաքապետը Կոնգրեսում ընտրությունների արդյունքների հաստատման ֆոնին սկսված անկարգությունների պատճառով պարետային ժամ էր հայտարարել։
Երեկ երեկոյան գործող նախագահ Դոնալդ Թրամփի կողմնակիցները, ովքեր հավաքվել էին Վաշինգտոնում, գրոհել են Կոնգրեսի շենքի վրա և խափանել նիստը։ Իրավապահները նրանց դեմ կիրառել են արցունաբեր գազ և լուսաձայնային նռնակներ։
