Պարզ է, որ առանց ինքնիշխանության վերահաստատման չենք կարող ապահովել մեր անվտանգությունը։ Սպասվող արտահերթ ընտրություններն ա՞յդ նպատակն էին հետապնդում․ «Առաջին լրատվական»-ի հարցին Ազգային ժողովրդավարական բևեռի նախաձեռնող խմբի անդամ Գարեգին Չուգասզյանը պատասխանեց․ «Գիտեք՝ առհասարակ ինքնիշխանության հարցը շատ բարդ հարց է, և դրա մասին խոսելիս պետք է ասեմ, որ Խորհրդային միության փլուզումից հետո մենք մեզ համարում էինք ինքնիշխանությունը հաստատած երկիր, մինչդեռ ինքնիշխանությունն ունի սպեկտր։ Անգամ չճանաչված երկրներ կան, որոնք ինքնիշխանություն ունեն, և կան երկրներ, որոնք իբրև թե միջազգային ճանաչում ունեն, բայց իրականում ինքնիշխանությունից զրկված են։ Ես կարծում եմ, որ 2020 թվականի ընթացքում Հայաստանի ինքնիշխանության աստիճանը զգալիորեն նվազել է, որն ունի հստակ պատճառներ»։
Մանրամասները՝ տեսանյութում։
