ԱՄՆ նախագահ Դոնալդ Թրամփը ընտրություններում իր պարտության մեջ մեղադրել է խոշոր դեղագործական ընկերություններին: Նա կարծում է, որ նրանք իր համար բացասական գովազդ են ստեղծել նախընտրական մրցավազքի ժամանակ: Թրամփը վստահ է, որ իր հակառակորդները միլիոնավոր դոլարներ են ներդրել հակագովազդի մեջ:
Գործող նախագահը հավելել է, որ իր դեմ են հանդես եկել նաև խոշոր տեխնոլոգիական ընկերություններն ու լրատվամիջոցները: Ընտրությունները ԱՄՆ-ում անցկացվել են մեկ ամիս առաջ: Ձայները դեռևս հաշվարկված չեն: Այնուամենայնիվ, թեկնածուներից Ջոզեֆ Բայդենն արդեն հայտարարել է իր հաղթանակի մասին: Նրան իրենց շնորհավորանքներն են հղել մի շարք օտարերկրյա պետությունների ղեկավարներ:
Դոնալդ Թրամփը մտադիր է վիճարկել ընտրությունների արդյունքները դատարանում: Նա և նրա համախոհները կարծում են, որ քվեարկության ընթացքում բազմաթիվ խախտումներ են եղել: