Բելառուսի նախագահի նախկին թեկնածու Սվետլանա Տիխանովսկայան դիմել է առաջիկա բողոքի երթի մասնակիցներին:
Նոյեմբերի 15-ին ընդդիմությունը նախատեսում է անցկացնել «Երթ ի հիշատակ Ռոման Բոնդարենկոյի»:
«Ես կաջակցեմ բոլորին, ովքեր այսօր երթ են անցկացնելու: Ի վերջո, սա սովորական երթ չէ, սա երթ է՝ ի հիշատակ Ռոման Բոնդարենկոյի: Երթը ոչ միայն մեր ազատության, այլև մեր կյանքի համար է», – ասել է Տիխանովսկայան իր Telegram ալիքում:
Նա նաև խնդրեց բոլոր ցուցարարներին դիմակներ կրել, որպեսզի «հոգ տանեն իրենց և իրենց համախոհների մասին»:
Նոյեմբերի 12-ին հիվանդանոցում մահացավ Մինսկի բնակիչ, 31-ամյա Ռոման Բոնդարենկոն: Նրան «Փոփոխությունների հրապարակում» ծեծի են ենթարկել իրավապահները։
