Գիտնականներն առաջ էլ գիտեին, որ տղամարդիկ ավելի քիչ են հիվանդանում բորբոքային հիվանդություններով՝ համեմատած կանանց հետ: Սակայն շնորհիվ Յենի համալսարանի դեղագործական ինստիտուտի դոկտոր Կարլո Պերգոլայի՝ պարզվել է, թե որքան կարևոր են սեռական հորմոններն այդ տեսակետից: Այս մասին գրում է The Times of India-ն:
Նա ապացուցել է, որ տեստոստերոնը տղամարդուն պակաս խոցելի է դարձնում ալերգիաների, ինչպես նաև բորբոքային հիվանդությունների նկատմամբ: Հետազոտողները հատուկ ուսումնասիրել են, թե ինչպես են տղամարդու և կանացի բջիջները արձագանքում բորբոքային ազդակներին: Կանացի իմունային բջիջները մոտ երկու անգամ ավելի շատ բորբոքային նյութեր են արտադրել, քան տղամարդու նմանօրինակ բջիջները:
Սակայն երբ կանանց բջիջների մեջ տեստոստերոն է ավելացվել, պարզվել է, որ երկու սեռերի իմունային բջիջները նույնակերպ են արձագանքում:
