«Առաջին լրատվական»-ը վարձավճարների թանկացման հետ կապված հարցում է անցկացրել Երևանի պետական համալսարանի ուսանողների շրջանում։
Դուք տեղյա՞կ եք, որ վարձավճարները թանկացել են «Առաջին լրատվական»-ի հարցին Երևանի պետական համալսարանի մի ուսանողուհի պատասխանեց․ «Այո, տեղյակ եմ։ Ես երկրորդ կուրսեցի եմ, և այդ թանկացումը մեր վրա չի ազդում։ Առաջին կուրսեցիները բողոքներ ունեն էս վիճակում՝ երբ արդյունավետությունը կրճատվում է։ Ես սովորում եմ Մաթեմատիկայի և մեխանիկայի ֆակուլտետում, որտեղ գործնական պարապմունքներն ունեն մեծ դեր, և կարող եմ ասել, որ օնլայնն ապահովում է 70 տոկոսով կրթություն՝ չի լինում այնպես, ինչպես լինում էր օֆլայն»։
Իսկ ԵՊՀ-ի մեկ այլ ուսանող էլ «Առաջին լրատվական»-ի այն հարցին, թե նորմա՞լ եք համարում վարձավճարների թանկացումը, պատասխանեց․ «Ոչ, նորմալ չեմ համարում, որովհետև խնդիրներ են առաջանում, մարդիկ էլ դրա պատճառով կարող են ուսումը թողնել»:
ԵՊՀ առաջին կուրսեցու մի ծնող էլ ասաց, որ ճիշտ է՝ շատ դժվար է, բայց, դե, եթե դա երեխայի երազանքն է, ապա պետք է իրականացնեն։
Իսկ ԵՊՀ-ի մեկ այլ առաջին կուրսեցի էլ ասաց․ «Տեղյակ եմ թանկացումից, և եթե համապատասխան կրթություն տալիս են, ապա նորմալ է»։
Մանրամասները՝ տեսանյութում։