Այսօրվա կառավարության նիստի 41րդ հարցը միանգամից 7 օրենքի փոփոխություն էր՝ ուղղված համաճարակային վիճակներն առանց արտակարգ դրություն հայտարարելու կառավարմանը, 60 էջանոց առաջարկությունների փաթեթ, որոնց մեծ մասը մարդկանց, իրավաբանական անձանց, համայնքների իրավունքների սահմանափակումների մասին էր։ Այս մասին ֆեյսբուքի իր էջում գրել է Menu.am-ի հիմնադիր Վահան Քերոբյանը:
Նա, մասնավորապես, նշել է. «Օրինակ, որոշ դեպքերում կարող են ինքնամեկուսացման հրահանգ տալ մարդկանց, համայնքներ, բնակավայրեր եւ պետական սահմաններ փակել։ Այս օրենքների փաթեթը շրջանառվում է դեռեւս հունիսից եւ նպատակ ունի կազմակերպել ամեն ինչ՝ համաճարակի պայմաններում առանց արտակարգ դրության ռեժիմի ապրելու համար։
Զեկուցեց արդարադատության նախարարը, որից հետո ՄԻՊ Արման Թաթոյանը տեղեկացրեց/բողոքեց, որ Մարդու իրավունքների պաշտպանի գրասենյակն ընդամենը երեկ է ստացել այս փոփոխությունների փաթեթը, իսկ Պաշտպանության նախարարությունն ընդհանրապես չի ստացել այն։ Կրկնում եմ, օրենքների փաթեթը, որի ընդունման պարագայում առաջանալու են մարդկանց իրավունքների էական սահմանափակումների հնարավորություններ, անդրադառնալու են երկրում եւ երկրից դուրս տեղաշարժերի վրա, մեծ հաշվով չի քննարկվել ՄԻՊ-ի եւ Պաշտպանության նախարարության հետ։
․ Կարծում եմ, որ այսպիսի էական փոփոխությունը մեր բոլորի կյանքում չի կարող տեղի ունենալ նման հապճեպ եւ մակերեսային ձեւով։
․ Վարչապետը չկարողացավ թաքցնել զայրույթը, բայց արդյո՞ք զայրույթը բավարար է նման պարագայում։
․ Հ․Գ․ Որեւէ քննարկում տնտեսական վիճակի եւ 10.2% հուլիսյան տնտեսական անկման մասին այսօր չեղավ»։
https://www.facebook.com/vahankerobyan/posts/4366929476682890
