Մալիում զինված ապստամբների առաջնորդները պնդում են, որ հեղաշրջման ընթացքում ձերբակալել են երկրի նախագահ Իբրահիմ Բուբաքար Քեյթին և վարչապետ Բուբու Սիսեին, հաղորդում է France Press-ը:
Գործակալության տվյալներով, երկրի նախագահին և վարչապետին ձերբակալել են իրենց տներում: Այժմ նրանց տեղափոխում են Քաթիի բազա, որտեղ սկսվել է ապստամբությունը:
Ավելի վաղ, հանրապետության մայրաքաղաք Բամակոյի մերձակայքում գտնվող Քաթի ռազմաբազայում տեղի է ունեցել զինված ապստամբություն: Զինվորականները ձերբակալել են կառավարության անդամներին, խորհրդարանի խոսնակին և բանակի բարձր հրամանատարությանը:
Ապստամբությունը գլխավորում է գնդապետ Սադիո Քամարան: