Տոկիոյում օգոստոսի սկզբից ի վեր առնվազն 79 մարդ է մահացել շոգ եղանակի ներգործությունից: Օգոստոսի 18-ին այդ մասին հայտնել է NHK հեռուստաալիքը:
Բոլոր մահացածների ավելի քան 80 տոկոսը 70-ից բարձր տարիքի մարդիկ են: Շատերը մահացել են իրենց տներում և բնակարաններում, որտեղ տեղակայված չեն եղել օդորակիչներ:
Օգոստոսի 17-ին Կենտրոնական Ճապոնիայի Համամացու քաղաքում (Սիձուոկայի պրեֆեկտուրա) օդը ցերեկը տաքացել է մինչև Ցելսիուսի 41,1 աստիճան, ինչը դարձել Է երկու տարի առաջ սահմանված պատմական ջերմաստիճանային ռեկորդի կրկնությունը:
Տոկիոյում այս շաբաթ նույնպես շոգ եղանակ է հաստատվել, ջերմաչափի սյունը բարձրացել Է մինչև 36 աստիճան:
Ճապոնիայում սովորաբար շոգ եղանակ է հաստատվում հուլիսի կեսերին՝ անձրևների սազոնի ավարտից հետո:
Սակայն այս տարի ամբողջ հուլիսը եղել է ամպամած, իսկ երկրում տեղացել են ինտենսիվությամբ ռեկորդային անձրևներ, որոնք հանգեցրել են սողանքների և գետերի հորդացման: Անցյալ տարի ամբողջ երկրում շոգից զոհվել էր 126 մարդ, ավելի քան 70-ը տուժել, հաղորդել է ՏԱՍՍ-ը:
