Խոշոր ավտովթար է տեղի ունեցել Երևանում: Ըստ SHAMSHYAN.com-ի՝ այսօր՝ օգոստոսի 17-ին, ժամը 20:30-ի սահմանում Թամանցիների փողոցում՝ Երևանի պետական տեխնոլոգիական քոլեջի դիմաց, բախվել են MIni cooper և Volkswagen Jetta մակնիշի ավտոմեքենաները: Վթարի հետևանքով 2 հոգի մարմնական վնսսվածքներով տեղափոխվել են «Էրեբունի» բժշկական կենտրոն: Վիրավորներից մեկին հիվանդանոց է տեղափոխել քաղաքացին՝ իր անձնական օգտագործման ավտոմեքենայով, իսկ մյուսին՝ Երևանի 1-03 շտապօգնության բժիշկների հերթապահ խումբը:
Ըստ աղբյուրի՝ բախման հետևանքով էլ MIni cooper-ը դուրս է եկել երթևեկելի գոտուց, բախվել էկեկտրասյանը, կոտրել արտաքին լուսավորման սարքը, այնուհետև առաջ ընթանալով՝ բախվել քոլեջի պատին: Դեպքի վայր են ժամանել ճանապարհային ոստիկանության ծառայողներ: Փաստի առթիվ նյութեր են նախապատրսստվում: Ոստիկանությունը պարզում է վարորդների և վիրավորների ինքնությունը:
