Եղունգների կորացումը, ախորժակի անկումը և ջղաձգումները կարող են վկայել ավիտամինոզի և միներալների անբավարարության մասին՝ նախազգուշացնում է սննդաբան Ջենի Չիեշեն: Նախանշանների մասին, որոնք ցույց են տալիս այս կամ այն նյութի անբավարարությունը, նա հայտնել է Daily Mail-ին:
Կոյլոնիխիան կամ գդալաձև եղունգները, երբ եղունգի ափսեն բարակում է և թեքվում է դեպի ներս, խոսում է երկաթի անբավարարության մասին: Լնդերի արյունահոսությունը վկայում է С և К վիտամինների անբավարարության մասին: Ոսկրերի ցավը, որը նույնիսկ առաջանում է հանգիստ դրության ժամանակ, վկայում է վիտամին D-ի անբավարարության մասին: Ոտքերում ջղաձգումները մագնիզիումի, կալցիումի և նատրիումի ցածր մակարդակի նշան են: Բերանի անկյուններում խոցերն ու ճաքերը առաջանում են В վիտամինների խմբի անբավարարության դեպքում: Ախորժակի անկումը կարող է ցույց տալ վիտամին В12-ի, ֆոլաթթվի և ցինկի անբավարարությունը:
Անհրաժեշտ վիտամիններն ու միներալները կարելի է ստանալ սննդի միջոցով. հավասարակշռված և բազմազան սննդակարգի դեպքում, որը պետք է պարունակի մրգեր, բանջարեղեն, միս, ձուկ և շիլաներ, լուրջ խնդիրներ չեն առաջանա:
Ավիտամինոզի ախտանշանների ի հայտ գալու դեպքում պետք է դիմել բժշկի և հանձնել անալիզներ, ինչը թույլ կտա ճշգրիտ իմանալ, թե ինչով են պայմանավորված ախտանշանները, և գտնել դրանց լուծման միջոցը:
